Математика пәнінен секциялық отырыс

ММ «Ақмола облысы білім басқармасының Есіл ауданы бойынша білім бөлімі» ұйымдастыруымен 27 тамызда №3 жалпы орта білім беретін мектеп базасында «Білімнің болашағы: Адал азамат – кәсіби маман» тақырыбында аудандық математика пәні мұғалімдерінің отырысы өтті.

Отырыстың модераторы – Аренова Асель Есмуратовна ашылу сөзін айтып, шараның негізгі міндеттерін белгіледі.

Кездесу барысында №2 жалпы орта білім беретін мектептің мұғалімі Кожухова С. Т. «Математика сабақтарындағы адалдық пен азаматтық құндылықтар» тақырыбында баяндама жасады.

Сондай-ақ, Нечаева С. В. «Кәсіби маманның математикалық білімі: талаптар мен мүмкіндіктер» атты баяндама ұсынды.

Отырыс математика сабақтарында адалдық пен азаматтықты қалыптастыру, педагогтың кәсіби құзыреттілігіне қойылатын талаптар, оқушылардың жиі жіберетін қателері мен оларды болдырмау жолдары мәселелерін талқылады.

Ұстаздар өздерінің тәжірибелерімен бөлісіп, әдістемелік ұсыныстар әзірледі. Отырыс тәжірибе алмасу, жаңа идеялар мен әдістемелік шешімдерді талқылау үшін тиімді алаңға айналды.